कता झरूँ म ? / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » सौन्दर्यको सङ्गीत »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जून पिएर आइछ्यौ, अब के गरूँ म
हेरिरहूँ तिमीलाई या अघि सरूँ म

सम्बन्धको किनारैमा दिल खोसी लग्यौ
नुहाइरहूँ तिम्रै प्रेममा वा पारी तरूँ म

पर्खपर्ख एकछिन पर्ख, रात पर्न देऊ
तिमी आउने बाटोभरी तारा छरूँ म

के आँखा, के मन-मुटु, सबै उस्तै मेरा
धोका दिए सबैले, भर कसको परूँ म

दुनियाँलाई बाँड्दाबाँड्दै रित्तिएछ पूरै
रित्तिएको यो मन अब केले भरूँ म

कहाँ पुगी फर्कियौ र ठेल्न खोज्छौ तिमी ?
छोडेकै छैन धर्ती मैले, कता झरूँ म ?

कसले देला सल्लाह, सुमन ! मलाई
मन त मरिसक्यो, अब कहिले मरूँ म ?