भारत की संस्कृति के लिए... भाषा की उन्नति के लिए... साहित्य के प्रसार के लिए
पानी / मौन आवाज
Kavita Kosh से
Sirjanbindu (चर्चा | योगदान) द्वारा परिवर्तित 11:20, 12 सितम्बर 2024 का अवतरण ('{{KKGlobal}} {{KKRachna |रचनाकार=मौन आवाज |अनुवादक= |संग्रह= }} {{KKCatKavita}}...' के साथ नया पृष्ठ बनाया)
जल्लादले मान्छे मारिसकेपछि
आफ्नो रक्ताम्य हात पानीले धोयो
जल्लादको हात सफा भयो
तर
पानी रक्ताम्य भयो !
रक्ताम्य पानी -
खोला / नदी र खोल्सामा बग्यो
छाँगा / छहरा र झरनामा बग्यो
बग्यो - समयको गतिशीलतामा
युगको अनन्ततामा ।
बग्दै / बग्दै एकदिन त्यो रक्ताम्य पानी
एउटा भिक्षुको अञ्जुलीमा आइपुग्यो
मन्दिरमा जल चढाइरहेको भक्तको हातमा आइपुग्यो
पितृलाई तर्पण दिइरहेको
एउटा अभागी छोराको हातमा आइपुग्यो ।
यसरी -
जल्लादले हत्या गरेको मान्छेको रगत
पानीमा मिसिएर जल्लाद कै मुखमा आइपुग्यो !
०००
