तिरंगा बसै मन मेरे / दिनेश शर्मा

जय हिंद के जयकारे सुण
मेरा माथा तन जावै सै
तिरंगा बसै मन मेरै
देख हौंसला आवै सै

तीन रंगा का म्हारा तिरंगा
ऊँचै आसमान लहरावै सै
तिरंगा बसै मन

सबतै ऊपर रंग केसरिया
देख गरव मन भावै सै
तिरंगा बसै मन

सफेद रंग बीच बसया
परेम शांति दिखावै सै
तिरंगा बसै मन

सारनाथ का चक्र ऊपर
गौरवगाथा गावै सै
तिरंगा बसै मन

हरा तीसरा रंग जिसका
जणूं समृद्धि छावै सै
तिरंगा बसै मन