भारत की संस्कृति के लिए... भाषा की उन्नति के लिए... साहित्य के प्रसार के लिए
आजु उठि भोर बृषभानु की नंदिनी / भारतेंदु हरिश्चंद्र
Kavita Kosh से
अनिल जनविजय (चर्चा | योगदान) द्वारा परिवर्तित 20:20, 10 जुलाई 2010 का अवतरण
आजु उठि भोर बृषभानु की नंदिनी,
फूल के महल तें निकस ठाढ़ी भई।
खसित सुभ सीस तें कलित कुसुमावली,
मधुप की मंडली मत्त रस ह्वै गई।
कछुक अलसात सरसात सकुचात अति,
फूल की बास चहुँ ओर मोदित छई।
दास ’हरिचंद’ छबि देखि गिरिदर लाल,
पीत-पट लकुट सुधि भूलि आनंद-मई॥
