भारत की संस्कृति के लिए... भाषा की उन्नति के लिए... साहित्य के प्रसार के लिए
रामे जकाँ / बुद्धिनाथ मिश्र
Kavita Kosh से
अनिल जनविजय (चर्चा | योगदान) द्वारा परिवर्तित 11:03, 15 अक्टूबर 2010 का अवतरण (नया पृष्ठ: {{KKGlobal}} {{KKRachna |रचनाकार=बुद्धिनाथ मिश्र |संग्रह= }} Category: मैथिली भाषा [[Category…)
गाम अपनो लगय
आन गामे जकाँ
तैं फिरै छी बने-बोन रामे जकाँ।
ओ जे सरिसोक
हरदी रड.ल खेत छल
आर सपना जे भोरक
ओ समवेत छल
सभ बिला गेल दंडप्रणामे जकाँ
तैं फिरै छी बने-बोन रामे जकाँ।
ओ जे मुस्की छलै
घोघटक तऽर सँ
आर लहठी बजै छल
कोहबर सँ
सभ हेरायल ओठंगर क धाने जकाँ।
तैं फिरैछी बने-बोन रामे जकाँ।
ओ इनारक भरल डोल
छिलकैत जल
एक झलकी ले'
बाटो पियासल छल
सभ भथा गेल
पोखरिक मोहाने जकाँ
तैं फिरै छी बने-बोन रामे जकाँ।
