भारत की संस्कृति के लिए... भाषा की उन्नति के लिए... साहित्य के प्रसार के लिए
लुकमींचणी - दो / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 12:04, 26 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
लुकमींचणी रो खेल
कठै खतम हुयो है हाल
बरसां पछै ई
थूं लुकै
म्हैं सोधूं
बिंयां रो बिंयां।
थारा थरप्योडा नेम
थूं ई तौडे
बास री मरजाद
कोनी मानै
म्हारै मूंढै सूं
हेस-पेस निकळयां पैलां
थप्पी कर परो
एक बीजी डांई मांड देवै।
बाळपणै दांई
जिंदगाणी में
कद तांई
लुकैला थूं इण भांत ?
कद तांई
म्हैं सोधूंला थनै
बावळो-सो।
कद तांई
चालैला ओ खेल ?
कद तांई
थूं पिदावैला म्हनैं
रोगस रै पाण ??
