भारत की संस्कृति के लिए... भाषा की उन्नति के लिए... साहित्य के प्रसार के लिए
कोनी घणो आंतरो / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 16:56, 29 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
थारै हुवणै
अर नीं हुवणै बिचाळै
कोनी घणो आंतरो।
केई-केई बार
थारै थकां ई
फगत म्हैं होवूं
फगत म्हैं
आंधो-चूंधो
गरजतो-बरसतो।
कदी कदास
थारै परबारै
थारी मौजूदगी
मैसूस करूं म्हैं
म्हारै ओळै-दोळै
सुणीजै सांस
करूं बातां
ओळखूं थनै।
म्हैं कैयो नीं
कोनी घणो आंतरो
थारै हुवणै
अर नीं हुवणै बिचाळै।
