भारत की संस्कृति के लिए... भाषा की उन्नति के लिए... साहित्य के प्रसार के लिए
गुवाड़ी रो धरम / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 17:17, 1 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारै पांती री चिंतावा…)
मा आखै घर में
काढ़ दियो झाडू
फाटेड़ी निवार वाळो माचो
ढाळ दियो छात माथै
आंगणै में सूकता
गाभा समेट‘र धर दिया
मोटेडै़ बगसै में
टाबरां रा पट्टा बा‘र
काजळ पण घाल दियो
दिनूगै पैली।
जरूरी है सगळा जतन
बटाऊ बावड़ैला आज घरां
मायड़ सावचेत है
पाळै गुवाड़ी रो धरम
फूटरापो दिखाणै वेगी
कांण-कसर ढ़ाब देवणी
मुळकता उणियारै ओटै।
