भारत की संस्कृति के लिए... भाषा की उन्नति के लिए... साहित्य के प्रसार के लिए
उडीक / रामस्वरूप किसान
Kavita Kosh से
आशिष पुरोहित (चर्चा | योगदान) द्वारा परिवर्तित 16:52, 6 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=रामस्वरूप किसान |संग्रह=आ बैठ बात करां / रामस्व…)
थारै-म्हारै
बिचाळै रौ पड़दो
धरती सूं आभौ जोड़ती भींत,
थारै-म्हारै
बिचाहै रो आंतरों
लोक सूं लोक जोड़ती सुनियाड़
थूं ई बता
कीकर मिलण हुवै
थां सूं
पण फेर ईज
जिवड़ौ नीं टिकै
थारी उडीक
म्हारौ धन बणगी।
जद-जद
बायरियै कान बजाया
खुदौ-खुद म्हारौ
सांस थम्यौ
अर म्हारै ई
काळजै री धड़कण
थारै पगलां री
आहट बणगी।
स्यात याद हुसी थानै
आपणी बा बंतळ
जकी रौ सार हुंवतौ
‘ मौत औरां खातर है ’
म्हैं तो
उणी‘ज सार नै
साचोट मान
थारी उडीक नै
काळजै लगायां बेठ्यौं हूं।
