भारत की संस्कृति के लिए... भाषा की उन्नति के लिए... साहित्य के प्रसार के लिए
अंतड़ी के आग जरइ / जयराम दरवेशपुरी
Kavita Kosh से
भोर के सपनमां में जागऽ हो किसनमां
कि फारले चलें रे अन्हरजाल
आज के अछूत दिन लुटकल सभे के नीन
केतना के खोल पीन करि देलक आँख तीन
मुँह फारि खाढ़ महाकाल
दिन अउ रतिया लगा के रहूँ गंतिया
गरम-गरम बतिया भुलाई देले मतिया
कि दुअरी पर बजऽ लगल झाल
अंतड़ी में आग जइ पेनी तर बिलाया चरइ
खोपड़ी में दाग भरइ भूखले इंसान मरइ
कि महरगी छूले हइ हाल की घर की बाहर
की नगर की डगर
छइले महा कहर
जीअऽ हइ कंहर-कंहर
कि हमर भविस हइ भुलाल
आश के परत में
अन्हरिया के रात में
सगर झात्-झात् में
दुश्मन के घात में
हिम्मत न हारे ऊहे लाल।
