भारत की संस्कृति के लिए... भाषा की उन्नति के लिए... साहित्य के प्रसार के लिए
कउन उलका उगल / जयराम दरवेशपुरी
Kavita Kosh से
कउन उलका उगल मन के अकास में
बिख घोरऽ हइ अंतस पियास में
ध्यान केकरो न´ इन्सानी लोर पर
कइंटी पर कइंटी मानवा के ठोर पर
खून रंगल दुनिया हे बदहवास में
दागे दाग मन हे लुरेठल जहाऽ
स्वाभिमानी पर काछा लेसरल यहाँ
मीठ जहर के लहर सगर सब रास में
खोजे जिनगी के कोर न´ किनारा
बेहोशी में पइरे हे नित बीच धारा
बिगुल बजावऽ हे छुप-छुप नाश के
कोय केकरे न´ सुने कोय बात के
सुरूज छइते पहरा घुप्प रात के
पूछ ओकरे जेकर गइंठ दाम पास में।
