भारत की संस्कृति के लिए... भाषा की उन्नति के लिए... साहित्य के प्रसार के लिए
करल्यो सोच विचार सब नर नार / सतबीर पाई
Kavita Kosh से
करल्यो सोच विचार सब नर नार....टेक
यू बसपा उम्मीदवार हमारा से
इसमै कोन्या हेरा फेरी सै
ईब ना किसे भी बात की देरी सै
तेरी आज्यागी सरकार, कर इतबार,
मिलै रोजगार यो इनका वादा सै...
नेता आज तलक घणे आए सैं
उन्होंने इब तक झूठ भकाए सैं
लाए सैं लारे हजार, न्यूए लगातार,
सिर पै भार टेक दिया भार्या सै...
उन्नै तो राखे लोग गरीब दिखे,
आवण दिये ना सत्ता के करीब दिखे
ईब देखे हो त्यार, बीएसपी का द्वार,
गल मैं हार लगै घणा प्यारा सै...
इसनैं तो सदा ए दलित उभारै सैं,
ये तो सबनै लागैं प्यारे सैं,
थारे हक की करैं तकरार,
चाह्वें सुधार बेड़ा पार करैंगे थारा सै...
हो सतबीर गांव तेरा पाई सै,
इब तक नहीं के समझ मैं आई सै
भाई या लोग बड़े खूंखार, इब देख ल्यो आसार
वोट की तलवार थारे पै एक सहारा सै...
