भारत की संस्कृति के लिए... भाषा की उन्नति के लिए... साहित्य के प्रसार के लिए
खोजूँ नित अखिया पसार / जयराम दरवेशपुरी
Kavita Kosh से
मटिया के देउता तर
मनउतिया मनावऽ ही
अँचरा पसार नित
अरज सुनावऽ ही
जोगावऽ देउता मँगिया के लाज
बलग रहे बामनो बयार
पानी से पंड़ोर भोर
दूध से नहावऽ ही
धूप दीप नेस अच्छत
सेनुरा चढ़ावऽ ही
अराधइत सुरूज देवा
मने मन भोर भोर करऽ ही पुकार
अँगना के पिंडिया पर
तुलसी के गछिया
निस दिन संझिया
देखावऽ ही संझउतिया
कान अइंठी जोड़ूँ दुनु हाथ
कि हिरदा से छलके पियार
रतिया के सपना में
सजना के पावऽ ही
मीठ-मीठ बतिया से
हिरदा जुड़ावऽ ही नीन टूटे
मन बदहवास कि
खोजूँ नित अँखिया पसार।
