भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अरण्यकाण्ड पद 1 से 5/पृष्ठ 3
Kavita Kosh से
(3)
मारीच-वध
.रागसोरठ
बैठे हैं राम-लषन अरु सीता |
पञ्चबटी बर परनकुटी तर, कहैं कछु कथा पुनीता ||
कपट-कुरङ्ग कनकमनिमय लखि प्रियसों कहति हँसि बाला |
पाए पालिबे जोग मञ्जु मृग, मारेहु मञ्जुल छाला ||
प्रिया-बचन सुनि बिहँसि प्रेमबस गवहिं चाप-सर लीन्हें |
चल्यो भाजि, फिरि फिरि चितवत मुनिमख-रखवारे चीन्हें ||
सोहति मधुर मनोहर मूरति हेम-हरिनके पाछे |
धावनि, नवनि, बिलोकनि, बिथकनि बसै तुलसी उर आछे ||
