तोसां गॾिजी हलणु किथे ईंदो!
तुंहिंजो साथी बणणु किथे ईंदो!
तुंहिंजी नामूस हरको ॼाणे थो,
तुंहिंजे साम्हूं पवणु किथे ईंदो!
तुंहिंजी ख़शबू खां हटकां-हॿकां थो,
तुंहिंजी भरि में विहणु किथे ईंदो!
तूं हिते या हुते, किथे हूंदें,
तोखे ॻोल्हे लहणु किथे ईंदो!
पंहिंजे पुछ जो लुॾणु ॾिठो आ मूं,
हाणि कंहिं ते खिलणु किथे ईंदो!
ज़िक्र पंहिंजे खे, ॻाल्हि तुंहिंजीअ खे,
शांत मन सां ॿुधणु किथे ईंदो!
ज़ेहन जे हेॾे शोर में हासिद,
तोखे वाको करणु किथे ईंदो!