भारत की संस्कृति के लिए... भाषा की उन्नति के लिए... साहित्य के प्रसार के लिए
नाम बताव / अमरेन्द्र
Kavita Kosh से
हल्ला-गुल्ला करै नैं घौल
उत्तर दैं, नै तेॅ लागतौ धौल
पनरह खेल रोॅ नाम बताव ।
खोखा, ताश, कबड्डी तीन
पोलो, जूडो, खेल महीन
कुश्ती, चैपड़, किरकेट आठ
शतरंजोॅ रोॅ अलगे ठाठ
बैटमिन्टन, टेनिस घरघोट
फुटबौलोॅ मेॅ कहीं नै खोट
हाॅकी आरो भौलीबौल
आबेॅ केना देवैं धौल ।
पनरह नदी रोॅ नाम ठो बोल
नै तेॅ कहवौ ही भुसगोल
जल्दी-जल्दी नाम बताव ।
गंगा, बोल्गा, नाइजर तीन
नील, अमेजन, सी, सालवीन
डेनीपर, डेन्यूब, कांगो, डोन
मिसिप, मिसौरी, यमुना, सोन
पनरह ब्रह्मपुत्रा केॅ गिन
मिली-जुली सब भाय-बहिन ।
दै देलियो नी उत्तर बोल
हम्मी देवौ तोरा धौल
कहवैं की हमरा भुसगोल ।
