भारत की संस्कृति के लिए... भाषा की उन्नति के लिए... साहित्य के प्रसार के लिए
सातवौ फेरौ / अर्जुनदेव चारण
Kavita Kosh से
आखै कडूम्बै सांम्ही
म्हारौ बाप
करियौ म्हारौ दांन
आप दयाळू
करी किरपा
म्हनै अंगेजण री
नींतर आज रै जमानै
कुण लेवै दांन
आपरौ ओ ऐसांन
नीं भूलैला कडूम्बौ
नीं भूलूंला म्हैं
आप रै पांण
बांटीजी बधाइयां म्हारै आंगणै
ओ आंगणौ
जुगो जुग गावैला आपरौ जस
आप चावौ जणै
फैंक सकौ
दांन लियोड़ी चीज बारै
ओ आपरौ हक है
लौ
म्हैं
सातवौ फेरौ लेवूं
