आकाश बस्छ सधैँ माथि बस्छन् जून-तारा / मञ्जुल

नदी

आकाश बस्छ सधैँ माथि बस्छन् जून-तारा
तिनको पनि माया गर, ती हुन् मित्र प्यारा

घामलाई, जूनलाई काँधमा बोक्नुपर्छ
तिन्ले दिने उज्ज्वल किरण तिम्ले पोख्नुपर्छ
पहाडविना यो धर्तीको विरूप लाग्छ काया
तिम्रै महान् अस्तित्वमा खेल्छन् घाम-छाया

दुःख-पीडा जम्दा जम्दा हिमाल बन्यौ तिमी
विशाल चट्टान समाई रुने पहाड बन्यौ तिमी
त्यही पहाड फुटी आएँ जान्न नाता तोडी
नदी कहाँ नदी हुन्छ आफ्नो मूल छोडी