भारत की संस्कृति के लिए... भाषा की उन्नति के लिए... साहित्य के प्रसार के लिए
एक दिन लोहा परस पारस के पा जाई / सूर्यदेव पाठक 'पराग'
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 12:43, 30 मार्च 2015 का अवतरण ('{{KKGlobal}} {{KKRachna |रचनाकार=सूर्यदेव पाठक 'पराग' |संग्रह= }} {{KKCatBho...' के साथ नया पृष्ठ बनाया)
एक दिन लोहा परस पारस के पा जाई
ओह दिन सोना बनी, आँखिन में छा जाई
जिन्दगी हर मोड़ पर करवट बदल लेले
आवते मधुमास कोइल गीत गा जाई
जब अमावस रात आवे बार लीं दियना
भोर के ललकी किरिनियाँ मन के भा जाई
चोर के कब चान भावे, छिप के आवेला
चाँदनी के सह सके ना, खुद लुका जाई
आग नफरत के लगावल नीक ना होला
लाग जाई आग, अपनो घर जरा जाई