भारत की संस्कृति के लिए... भाषा की उन्नति के लिए... साहित्य के प्रसार के लिए
कब तक? / कस्तूरी झा ‘कोकिल’
Kavita Kosh से
Lalit Kumar (चर्चा | योगदान) द्वारा परिवर्तित 14:02, 29 फ़रवरी 2016 का अवतरण ('{{KKGlobal}} {{KKRachna |रचनाकार=कस्तूरी झा 'कोकिल' |अनुवादक= |संग्र...' के साथ नया पृष्ठ बनाया)
आश्वासन केऽ पूड़ी-पूआ कबतक खैबै भैइया?
आसमान केऽ नीचें बोलऽ कबतक रहबै भैइया?
पेट पीठसँ सटलऽ देखऽ
फटलऽ चिटलऽ धोती।
बुधनी केऽ घघरी गुदरी छै
नंगधरंग पोता-पोती।
बीपीएल मुखिया जी खैलखिन करबै कोन उपैइया?
आश्वासन केऽ पूड़ी-पूआ कबतक खैबै भैइया?
आसमान केऽ नीचें बोलऽ कबतक रहबै भैइया?
सरकारी कागज बाँटै छै
तीस दिनों रऽ काम।
बेरोजगार बैठलऽ छै बुधना,
कहाँ निकलै छै नाम?
केकरा कहियै तोंहीं बताबऽ कोय नै छै सुनबैइया।
आश्वासन केऽ पूड़ी-पूआ कबतक खैबै भैइया?
आसमान केऽ नीचें बोलऽ कबतक रहबै भैइया?
बी.डी.ओ. आफिस सें गायब,
दुरलभ भेंट करमचारी।
कागज केऽ साथैं माँगै छै
बड़का नोट हजारी।
डी.एम. के दरबार दूर छै लागतै बीस रुपैइया
आश्वासन केऽ पूड़ी-पूआ कबतक खैबै भैइया?
आसमान केऽ नीचें बोलऽ कबतक रहबै भैइया?
-अंगिका लोक/ जनवरी-जून, 2010
