कादीयाना / विमला तुम्खेवा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

विमला तुम्खेवा » नदी, छाल र तरङ्गहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

म—
रुग्ण छु कादियाना
उत्सवहरुले मनाइएको मृत्युमा
कति वस्तुहरुमा
अनुदित हुँदै .....
रुपान्तरित हुँदै .....
आरोहण गर्दैछ मान्छे सेता बगरहरु

कालो आकाशमा
रङ्ग का अलिखित इतिहासहरु
त्यत्तिकै मरेर गएका वर्षहरु .....
मलाई प्रष्ट थाहा छ

कादियाना —
यो विकृत सहरमा
हदबन्दी नाघेको उमेर बाँच्दै
कति मर्दैछ छातीमा आत्मीयताका जूनहरु
आशक्तिका राता फूलहरु
कस्तो भ्रम रैछ
कि जीवनको
ताराहरु उन्मुक्त हाँसो हाँसेर
असक्त जीवन भोगिरहेछन् ।