भारत की संस्कृति के लिए... भाषा की उन्नति के लिए... साहित्य के प्रसार के लिए
काळ बरस रौ बारामासौ (बैसाख) / रेंवतदान चारण
Kavita Kosh से
बैसाखां तावड़ ब्रिथा काळ जद कटकाय
मारग चलतौ मांनखौ भव भव में भटकाय
माटी सूं सनमुख हुवै कोपै सूरज क्रुद्ध
झाळां सूं जगती जमीं जांणै छिड़ग्यौ जुद्ध
तावड़ तड़तड़तोह बरसातौ अगन भळैह
मुरझावण धर मुरधरा काळ ज करै कळैह
सूरज ने समझावती धोरां री धरतीह
कह दै बोली काळ ने मां सूं ना उलझीह
