भारत की संस्कृति के लिए... भाषा की उन्नति के लिए... साहित्य के प्रसार के लिए
खेलत खिलार गुन-आगर उदार राधा / घनानंद
Kavita Kosh से
Himanshu (चर्चा | योगदान) द्वारा परिवर्तित 14:43, 27 फ़रवरी 2010 का अवतरण (नया पृष्ठ: {{KKGlobal}} {{KKRachna |रचनाकार=घनानंद }} <poem> खेलत खिलार गुन-आगर उदार राधा नागरि छ…)
खेलत खिलार गुन-आगर उदार राधा
नागरि छबीली फाग-राग सरसात है ।
भाग भरे भाँवते सों, औसर फव्यौ है आनि,
’आनँद के घन’ की घमंड दरसात है ॥
औचक निसंक अंक चोंप खेल धूँधरि सिहात है ।
केसू रंग ढोरि गोरे कर स्यामसुंदर कों,
गोरी स्याम रंग बीचि बूड़ि-बूड़ि जात है ॥
