भारत की संस्कृति के लिए... भाषा की उन्नति के लिए... साहित्य के प्रसार के लिए
चढ़ल रोज कतने चुनौटी के पानी / रामरक्षा मिश्र विमल
Kavita Kosh से
Sharda suman (चर्चा | योगदान) द्वारा परिवर्तित 19:24, 4 अगस्त 2018 का अवतरण ('{{KKGlobal}} {{KKRachna |रचनाकार=रामरक्षा मिश्र विमल |अनुवादक= |सं...' के साथ नया पृष्ठ बनाया)
चढ़ल रोज कतने चुनौटी के पानी
अबहुँओ ना बबुआ के मुँह पर रोहानी
ललाई बढ़ावल गइल ओठ के बा
उपासे रहो साँझ भलहीं चुहानी
जहाँ रोशनी के रहे ना बोलहटा
अँजोरिया के छिलबिल भइल बा दलानी
बढ़ल अर्थ बेपर्द फ्रीडम का नगिचा
गिरल जा रहल बा नजरिया के पानी
जवानी के चेहरा भरल झुर्रियन से
बुढ़ौती प गजबे चढ़ल बा जवानी
नगर के रङार्ई पोताई बढ़ल बा
चुअल ना भइल बन्न अजहूँ पलानी
नकल से बहुत दूर पहुँचल असंभव
असलके कही जिंदगी के कहानी
