भारत की संस्कृति के लिए... भाषा की उन्नति के लिए... साहित्य के प्रसार के लिए

दीरा के वसिंदा / त्रिलोकीनाथ दिवाकर

Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:45, 17 नवम्बर 2021 का अवतरण ('{{KKGlobal}} {{KKRachna |रचनाकार=त्रिलोकीनाथ दिवाकर |अनुवादक= |संग...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

हम्में दीरा के बसिंदा
नै तोंय करो शर्मिंदा
काम करै छी चुनिंदा
हमरो करो नै तों निंदा,
हम्में दीरा के बसिंदा।

खेतो में रहै हरियाली
झूमै गहूँमोॅ के बाली
ककड़ी फरै छै धतिंगा
वै पे नाचै छै फतिंगा,
हम्में दीरा के बसिंदा

उपजै यै माँटी में सोना
भरलो अन्नो से कोना-कोना
बगलो में बहै कोशी गंगा
नहाय के होय छै सब्भे चंगा,
हम्में दीरा के बसिंदा।

हम्में यै दीरा के लाल
ठोकी के बोलै छी ताल
काम नै छै हमरो गंदा,
हम्में छी दिलो के जिन्दा
हम्में दीरा के बसिंदा।