भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

नदीभित्र आगो / उमेश लुइटेल

Kavita Kosh से
Sirjanbindu (चर्चा | योगदान) द्वारा परिवर्तित 22:57, 2 जुलाई 2017 का अवतरण ('{{KKGlobal}} {{KKRachna |रचनाकार=उमेश लुइटेल |अनुवादक= |संग्रह= }} {{KKCa...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

म अस्वाभाविक, असामान्य
कोमाटोग्राफीको अभावले छुट्टिन नसकेको एक रङ ।

मेरो आकाश शब्द बर्साउँछ
धरातल बिम्ब उमार्छ
मिथकहरु जब्बर रात उधारेर
फूर्तिला झिसमिसे झुल्काउँछन्
यद्यपि म अनुभूत गर्छु आफूलार्इ
छालले हिर्काएको किनारमा रुपान्तरित भइरहेको ।

अनिर्णीत आवश्यकताहरुको माला पहिरिँदै
यहाँ जिन्दगीको दियो धिपधिप छ
यस बेलै भोक पनि सुतुरमुर्ग प्रतीत हुन्छ
अपसोच ! भावना वर्तन बन्न सक्तैन
भोजन हुन सक्तैन
तर पनि मित्र ! म त्यस्तो स्पर्श दिनेछु
जस्तो, मरुभूमिमा चिसो बतासले देओस्
पिडादायी घाउमा मल्हमले देओस् ।

तिमी अर्धनग्न नाच्दै पुलकित हुन्छौ
म पातमा टल्किरहेको शीत हेरेर पुलकित हुन्छु
हामीमा फरक यत्ति हो
तिमी यन्त्रवत् चल्छौ मदिरालयमा
र नङ्ग्य्राइरहन्छौ सभ्यतालार्इ
म धुमधुमती कविता खोप्छु
त्यस्तो परिवर्तनका लागि
जस्तो, पानी बर्सनासाथ खडेरी बिलाउँछ
बादल फाट्नासाथ आकाश उज्यालिन्छ ।

बादल आकाशमा तैरिएसरी
यस बेला म भरियाको पीडामा तैरिरहेछु
उता तिमी उपेक्षाका तरबार चम्काउँदै
टुक्रयाइरहेछौ कलमलार्इ
त्यसैले होशियार मित्र !
अहिले मेरो कविताको नदीमा आगो बगिरहेछ ।