भारत की संस्कृति के लिए... भाषा की उन्नति के लिए... साहित्य के प्रसार के लिए
मां / शिवराज भारतीय
Kavita Kosh से
Sharda suman (चर्चा | योगदान) द्वारा परिवर्तित 10:29, 20 अक्टूबर 2013 का अवतरण
लाड कोड रो समंदर मां,
मो‘ ममता रो मिदंर मां।
चोखी-चोखी बात सुणावै,
लोरी गा‘र सुआवै मां।
मां कैयां मुंडो भर आवै,
हियै हेत सरसावै मां।
मिनख भलाई बणै डोकरो,
उणनै समझै टाबर मां।
सगळा तीरथ धाम उठै ई,
जिण घर हरखै मुळकै मां।
मां री होड़ करै कुण दूजो,
परमेसर भी पूजै मां।
