भारत की संस्कृति के लिए... भाषा की उन्नति के लिए... साहित्य के प्रसार के लिए
मारबो फेर रोवन नइ दन / समरथ गवइंहा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:45, 3 अगस्त 2019 का अवतरण ('{{KKGlobal}} {{KKRachna |रचनाकार=समरथ गवइंहा |अनुवादक= |संग्रह= }} {{KKCat...' के साथ नया पृष्ठ बनाया)
मारबो फेर रोवन नइ दन
तुमन सुख पाबो कहथ कमजोरहा
बुद्धि एको रच नइये परे हव भोरहा
तिजोरी के कुंजी तूं हमला देहे हव
तुंहर सुख ल होवन नइ दन
मारबो फेर ....
बिन पूछे तुंहला सुनावत हन हाल
रेडियो इसटेसन ला करब थोरक खियाल
का खरचा करे कतके खरचा करे
हिसाब म हम गलती होवन नइ दन
मारबो फेर ....
रहिस खरचा के इमानदारी
तो रसीद मन साखी हवय पारी के पारी
येक बात हय बड़े अफसर बड़े सेठ
इ मन के गवाही होवन नइ दन
मारबो फेर
कुंची जाय के जब बेला आही
दुख ल सुने के तब सुरता आही
छाती पीट के कबो मय दुख दूर करिंहव
तुंहला अबिसवास होवन नइ दन
मारबो फेर
किसे नइ फसीहब जाल फेंके जाही
चारो कोती से जब छेंके जाही
अरे खाना के संग मा पीना घलों देबो
कनिहा खोचा कम होबन नइ दन
मारबो फेर रोवन नइ दन
