भारत की संस्कृति के लिए... भाषा की उन्नति के लिए... साहित्य के प्रसार के लिए
मिनख-अेक / ॠतुप्रिया
Kavita Kosh से
आशिष पुरोहित (चर्चा | योगदान) द्वारा परिवर्तित 20:15, 3 अप्रैल 2018 का अवतरण ('{{KKGlobal}} {{KKRachna |रचनाकार=ॠतुप्रिया |अनुवादक= |संग्रह=ठा’...' के साथ नया पृष्ठ बनाया)
आखै जग में
घणांई मिनख है
जिका
पंखेरुआं स्यूं बात करै
ढांढां स्यूं बात करै
खेतां स्यूं बात करै
रूंखां स्यूं बात करै
तळाव स्यूं बात करै
नदी स्यूं बात करै
समंदर स्यूं बात करै
अकास स्यूं बात करै
पताळ स्यूं बात करै
भींतां स्यूं बात करै
पण
नां कदी
खुद स्यूं बात करै
अर
नां किणी
मिनख स्यूं बात करै।
