"हथवा लिहले रँगवा ए दुलहिन / दीपक शर्मा 'दीप'" के अवतरणों में अंतर

हथवा लिहले रँगवा ए दुलहिन अँगना गावें फगुआ हो
ससुरू बईठे, जेठरू बईठे, बइठे भईया अगुआ हो।
सुघ्घर-सुघ्घर अँखिया ए दुलहिन जईसे बाटे महुआ हो
ससुरू बईठे, जेठरू बईठे, बइठे भईया अगुआ हो।
खींचत-नोचत रढ़िया ए दुलहिन देवर हय मुँहलगुआ हो
ससुरू बईठे, जेठरू बईठे, बइठे भईया अगुआ हो।
पातर-पातर देहियाँ ए दुलहिन रँगवा - रूपवा गेहुँआ हो
ससुरू बईठे, जेठरू बईठे, बइठे भईया अगुआ हो।
गारी-गावा गावा ए दुलहिन सबके के सब हैं ठगुआ हो
ससुरू बईठे, जेठरू बईठे, बइठे भईया अगुआ हो।