भारत की संस्कृति के लिए... भाषा की उन्नति के लिए... साहित्य के प्रसार के लिए
कओने गामे उपजल सखि पानक बिड़िया, हे आहे सखी / मैथिली लोकगीत
Kavita Kosh से
Mani Gupta (चर्चा | योगदान) द्वारा परिवर्तित 12:38, 1 जुलाई 2014 का अवतरण ('{{KKGlobal}} {{KKLokRachna |भाषा=मैथिली |रचनाकार=अज्ञात |संग्रह= बिय...' के साथ नया पन्ना बनाया)
मैथिली लोकगीत ♦ रचनाकार: अज्ञात
कओने गामे उपजल सखि पानक बिड़िया, हे आहे सखी
नौरंग बिड़िया हे
कओने गामे उपजल डारि हे, दुलहा के निनियाँ घुरमल हे
फलां गामे उपजल सखि पानक बिड़िया हे, अपन गामे चतरल डारि हे
पंकज दुलहा के निनियां घुरमल हे
कओने छुरी कतरब आहे पानक बिड़िया हे, आहे सखि नौरंग बिड़िया हे
कओने छुरी कतरब डारि हे, आहे दुलहा के निनियां घुरमल हे
सोने छुरी कतरब सखि हे पानक बिड़िया, आहे सखि नौरंग बिड़िया हे
सोने छुरी कतरब डारि हे, आहे पंकज दुलहा के निनियां घुरमल हे
सेहो पान खयलनि पंकज दुलहा हे, रंगि लेल बत्तिसो मुख दांत हे
पंकज दुलहा के निनियां घुरमल हे
हंसि हंसि पुछथिन कनियाँ सुहबे हे, कहमा रंगेलहुँ बत्तिसो दांत हे
तोहरो नैहरबा छनि मोर ससुररिया, सरहोजि रंगल बत्तिसो दांत हे