भारत की संस्कृति के लिए... भाषा की उन्नति के लिए... साहित्य के प्रसार के लिए
छोरी (अेक) / इरशाद अज़ीज़
Kavita Kosh से
आशिष पुरोहित (चर्चा | योगदान) द्वारा परिवर्तित 17:34, 15 जून 2020 का अवतरण ('{{KKGlobal}} {{KKRachna |रचनाकार= इरशाद अज़ीज़ |अनुवादक= |संग्रह= मन...' के साथ नया पृष्ठ बनाया)
तितली जैड़ी क्यूं हुवै बा
कुण दियो औ नांव
कुण करी कुचमाद!
कित्ता जुगां सूं
भाजती आयी बा
आपरै आपै नैं बचावण सारू
गिरजड़ा सूं।
सुण छोरी
थूं तितली नीं है
बणणो ई पड़सी थनैं कांवळी
भरणा ई पड़सी झरूंटिया
जे जीवणो चावै थूं।