भारत की संस्कृति के लिए... भाषा की उन्नति के लिए... साहित्य के प्रसार के लिए
बरवत के गोठ / आनंद तिवारी “पौराणिक
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 15:21, 19 अगस्त 2019 का अवतरण ('{{KKGlobal}} {{KKRachna |रचनाकार=आनंद तिवारी “पौराणिक |अनुवादक= |स...' के साथ नया पृष्ठ बनाया)
नवा हे जमाना, नवा रिवाज हे,
काकरो आंखी म शरम न लाज हे,
लबरा वर इनाम
सच्चा वर सजा हे
गरीब वर दुख भारी
रोंठहा वर मजा हे
मंदिर हे खाली,
सीनिमा म मेला हे,
रमायन म कोनो नहीं
भट्ठी म रेला हे
टी॰वी॰ हे वीडियो हे
खर्चा बड़ आफत हे
महंगाई क लद्दी म
जनता बोजावत हे
छै फुट के तन म
छै इंची कपड़ा हे
चिन्हारी नइये अपन संगी
कईसन ये लफड़ा हे
मेहनत करइया के
दुनो हाथ रीत हे
पेट भूखे, तन उधरा
अब्ब्ड़ फजीता हे
पईसा की लूट हे
चुसईया बार छुट हे
मंगलू के पुछईया
फिरतू के सुनईया
अउ गरीब के गोसंइया
कोनो नइये भईया
कोनो नइये भईया II
