भारत की संस्कृति के लिए... भाषा की उन्नति के लिए... साहित्य के प्रसार के लिए
बेटी-बेटा / मथुरा नाथ सिंह 'रानीपुरी'
Kavita Kosh से
Lalit Kumar (चर्चा | योगदान) द्वारा परिवर्तित 13:28, 10 जुलाई 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
मैयो, मैयो गे नाम हमरऽ लिखाय दे
भैया केॅ पढ़ाय छैं, हमर्हौ पढ़ाय दे। मै...
बकरी साथें हमरा कत्ते दौड़ैबे
कत्तेॅ दिन हमरा सें टहले करैबे
भैया केॅ दूध-भात, हमरा सुखले खिलाय दे। मै...
सभे दिन हमरा ई फटले पिन्हैले
तेल फुलेल बिनू, चुड़ैले बनैले
भैया केॅ सूट-पैंट, हमरा फराके सिलाय दे। मै...
कत्तेॅ दिन झनपट ई गारी सुनैबे
नुनियाँ कही-कही, कहिया बोलैबे
भैया देहें सेंट, हमरा तेलो लगाय दे। मै...
कत्तेॅ दिन हमरा ई नजरें तरसैबे
कहिया दुलारी केॅ अंचरा औढ़ैबे
हमें बहीन भाय, गल्ले मिलाय दे। मै...
माय आरो बाबू जी देखै दुनजरऽ
अपन्है आँखी हमें, लागै छी जरलऽ
बेटी छेकौं केकरऽ, माय तोहीं बताय दे। मै...
