भारत की संस्कृति के लिए... भाषा की उन्नति के लिए... साहित्य के प्रसार के लिए
सुग्गा रटलक सीताराम / तारानंद वियोगी
Kavita Kosh से
Sharda suman (चर्चा | योगदान) द्वारा परिवर्तित 13:25, 27 दिसम्बर 2013 का अवतरण ('{{KKGlobal}} {{KKRachna |रचनाकार=तारानंद वियोगी |अनुवादक= |संग्रह= }...' के साथ नया पन्ना बनाया)
'सीताराम-सीताराम' रटलक सुग्गा
आ जनम अवधि पिजडा मे कैद रहल ।
मासु खाइ लेल पकडल गेल हारिल-बटेर
पडबा चिट्ठी पहुचाब' लेल पकडल गेल
मुदा सुग्गा पकडल गेल एही लेल
जे ओ 'सीताराम-सीताराम’ रटि सकैए।
रटैए सुग्गा सीताराम-सीताराम
आ भोगैए जनम-जनम के गुलामी;
प्रभु-युग मे मुइल ओहि करोडो मनुक्ख जकां
जे राम-नाम पर काया कुर्बान केलक।
जागह बाबू जोगीलाल, जागह
उठि क' ठाढ भ' रहल छथि प्रभु लोकनि
आब तोरो रटाएल जेतह सीताराम
पिजडा आब तोरो लेल बनाएल जेतह।
