ऐ श्याम, पंहिंजी बंसरी मूं खे बणाइ तूं / हरि दिलगीर

ऐ श्याम, पंहिंजी बंसरी मूं खे बणाइ तूं,
वरी वरी चपनि सां पंहिंजे प्यो लॻाइ तूं।

इन्हीअ में फूक फूकि तूं अनन्त मौज मां,
जीअं वणेई, तीअं पयो मुंखे बॼाइ तूं।

जे गोप-गोपियूं, वरी अखियुनि अॻियां नचनि,
वरी का रासि ॾोकिलनि संदी नचाइ तूं।

परे परे हवा में गीत फहलजी वञनि,
सॼे जॻत खे ताल पंहिंजे में नचाइ तूं।

समाज सुर्ति आसमान में उॾण लॻनि,
उॾाइ तूं, उॾाइ तूं, मथे उॾाइ तूं।