भारत की संस्कृति के लिए... भाषा की उन्नति के लिए... साहित्य के प्रसार के लिए
कृष्ण जनम / लीला मामताणी
Kavita Kosh से
यशोदा जे अङण में वॻी शहनाई।
ॼायो नंद लालु आहे कृष्ण कन्हाई।।
रूप आ सुहिणो जंहिंजी सुहिणी सूरत
मन खे लुभाए थी, मोहिनी मूरत
छवी सांवरे जी आ सभु खे वणाई
ॼायो नंद लालु आहे कृष्ण कन्हाई।।
गोकुल जा ग्वाल सभु झूला झुलाईनि
नंद यशोदा खे वाधायूं वराइनि
वाह वाह जी मौज मती-थी सभु सणाईं
ॼायो नंद लालु आहे कृष्ण कन्हाई।।
हलो नंद द्वारे आयो प्रभू अवतार धारे
सावण महीने में आहे, अष्टमी मनाई
ॼायो नंद लालु आहे कृष्ण कन्हाई।।
