भारत की संस्कृति के लिए... भाषा की उन्नति के लिए... साहित्य के प्रसार के लिए
केकरा सें कहबै दुख सहलऽ नै जाय / खुशीलाल मंजर
Kavita Kosh से
केकरा सें कहबै दुख सहलऽ नै जाय
हे गे नुनुदाय लागै केनां केनां आय
सोलहो सिंगार करी घुंघटा जे लेबै
अबकी पिया जी केॅ मजा चखैबै
रात भर जगैबै राखबै हुनका जगाय
केकरा सें कहबै दुख सहलऽ नै जाय
हमरऽ तेॅ जिनगी छै दुक्खऽ के किताब
छन छन छगुनै छी मिलै नै हिसाब
जिनगी जंजाल भेले कुच्छू नै सुहाय
केकरा सें कहबै दुख सहलऽ नै जाय
रस रस बूंदिया सें भरै जेनां गगरी
तोरऽ हृदय केॅ पिया देभौं होनै भरी
जो कुछ करभऽ तेॅ देभौ अचरा ओढ़ाय
केकरा सें कहबै दुख सहलऽ नै जाय
