भारत की संस्कृति के लिए... भाषा की उन्नति के लिए... साहित्य के प्रसार के लिए
कौनेॅ की जानलकै / ऋतु रूप / चन्द्रप्रकाश जगप्रिय
Kavita Kosh से
हेमन्तें कानोॅ मेॅ की कहलकै
अगहन आरोॅ पूस
कि दोनो के सिहरी गेलै देह
सिहरतै रही गेलै दोनो
कुछ हेने कि पतो नै चललै
कन्नेॅ सेॅ आवी केॅ
छूवी रहलोॅ छेलै देह, तीनो के
की पच्छिम सॅे आवै वाला हवा
की उत्तर सेॅ आवै वाला
की दोनों दिशा सेॅ
आवी-आवी केॅ?
कोय कुछ बूझौ कि नै बूझौ
सब बात बूझे छै
जौ आरो गेहूँ के लहलहैतेॅ खेत
पता नै
पोखर आरो नद्दी नेॅ की जानलकै
कि भोरे भोर आह भरी रहलोॅ छै।
हौं, ई आहे छेकै
भोर भोर पानी सेॅ उठतेॅ
भाप थोड़े छेकै।
