भारत की संस्कृति के लिए... भाषा की उन्नति के लिए... साहित्य के प्रसार के लिए
गोल अंदर गोलु / हरि दिलगीर
Kavita Kosh से
ज़िन्दगी गोल अंदर गोलु आहे,
हर नन्ढे गोल जे चौधारी वॾो गोलु आहे,
हर वॾो गोलु उन्हीअ खां बि वॾे गोल में आहि।
गोलु घर-ॿार, अज़ीजनि जो आ,
गोलु यारनि जो ऐं प्यारनि जो आ,
गोल धर्मनि जा, रिवाजनि ऐं समाजनि जा पिण,
गोलु तिनि खां बि वॾो प्रान्त जो आहि,
(जंहिं में जातीअ जा ऐं भाषा जा कएं गोल आहिनि)
देश जो गोलु ऐं दुनिया जो बि हिकु गोलु आहे,
गोलु तिनि खां बि वॾो- गोलु हयातीअ जो आहि,
जेॾी दिल आहि वॾी, गोलु बि ओॾो ई वॾो,
गोलु नन्ढिड़ो या वॾो, गोलु तॾहिं भी हूंदो।
गोलु जीवन जो लंघींदासीं जे,
मौत जे गोल अंदर हूंदासीं।
