भारत की संस्कृति के लिए... भाषा की उन्नति के लिए... साहित्य के प्रसार के लिए
जुगनू भी इंजोर करै / नन्दलाल यादव 'सारस्वत'
Kavita Kosh से
जुगनू भी इंजोर करै
की प्रकाश दै? भोर करै?
बादल-बिजली डर सेॅ थर-थर
जे रं डीजे शोर करै।
रुके कहाँ जेकरा चलना छै
रात अन्हरिया घोर करै।
कत्तेॅ दूर अभी चलना छै
आँधी-पानी जोर करै।
वैं की जानै दर्द फूल के
जे फूलोॅ मेॅ डोर करै।
सारस्वतोॅ सेॅ कुछ नै पूछोॅ
दुख सेॅ कपकप ठोर करै।
