ठेलगाडा पछिल्तिर / अभि सुवेदी
एकछिन
सडक सुनसान हुन्छन्
एकछिन
ब्ााटो पानी सुकेको नदीजस्तै
आकाशमुनि
सर्र तेर्सिन्छ
एकछिन पृथिवीमा
सिठी फुकेर बन्दुक बोक्नेले
इतिहास टक्क रोक्छ
चमेराहरु
त्यस शून्य शहर, रेखामाथि
रेफ र चन्द्रबिन्दुझैं सल्बल् अल्भि्कन्छन्
सबै रोकिएको बेला
ऊ पनि रोक्छ ठेलगाडा
आज कमाइ त्यति भएन
आज बन्दुक र सिठीले
सहरका सडक निकै रोके
सडक बगेन उस्को ठेलगाडामुनि
ऊ
बालक छोरो अनि160स्वास्नीका भोक र
राज्यशक्तिका खेलमा अल्भि्कंदा
रातको ट्राफिकबत्तीमुनि
ठेलगाडाको पछिल्तिर
शूलीमा अल्झेको इसामसिहजस्तै देखिन्छ,
सडक बग्ने प्रतीक्षामा
टक्क रोकिएर बस्छ
निकै समय भयो
मैले देखें
ऊ त्यहीं थियो
उस्को समय
घरमा भोको छोराको क्यालेन्डरमा
लेखिंदै थियो
नेपाली सम्बत्हरु
यसरी आरम्भहुंदै
हराउंदैछन्
शक्तिसालीका यात्राहरुले
खेलबाड गरेका समयचक्रहरुमा।
