भारत की संस्कृति के लिए... भाषा की उन्नति के लिए... साहित्य के प्रसार के लिए
नस-नस बारूद पल रहले हे / जयराम दरवेशपुरी
Kavita Kosh से
कइसन गीत बनइअइ अब हम
सगरो चमका चल रहलइ हे
ऊपर से सब एक नियन हइ
भीतरे छूरा चल रहलइ हे
निमरा के न´ राह मिलऽ हे
ओन्ने मजमा सज रहल हे
असवासन के आड़ में देखऽ
चोर के पिल्ला पल रहलइ हे
अप्पन स्वारथ सिद्ध करइ ले
केतना कुकरम कइले हइ
रस्ता से बे रस्ता होके
अप्पन धरम गंवइले हइ
जन-जन के देहिया चलनी हइ
ई चुनचुन्न खल रहलइ हे
बड़ी दिना से घुरिअइले हे
असली राह बता देबो
दू-दू हाथ करइ ले अइबो
कम्मर कस फरिया लेबो
अब कत्ते दिन चरबइत रहवा
नस-नस बारूद पल रहलइ हे।
