भारत की संस्कृति के लिए... भाषा की उन्नति के लिए... साहित्य के प्रसार के लिए
फूल हमरोॅ छै चमन हमरोॅ छै / सियाराम प्रहरी
Kavita Kosh से
फूल हमरोॅ छै चमन हमरोॅ छै
चाँद तारोॅ है गगन हमरोॅ छै
हेकरोॅ कन कन से प्यार छै हमरा
देश हमरोॅ छै वतन हमरोॅ छै
हमरोॅ गुलशन नै कहियो मुरझैतै
खार हमरोॅ छै सुमन हमरोॅ छै
हमरोॅ धरती पर फिर बहार ऐतै
प्यार अनमोल रतन हमरोॅ छै
चलोॅ त सिर तनी झुकाय चलोॅ
है शहीदोॅ के वतन हमरोॅ छै।
