भारत की संस्कृति के लिए... भाषा की उन्नति के लिए... साहित्य के प्रसार के लिए
बरसइ हे मेघ रे! / जयराम दरवेशपुरी
Kavita Kosh से
लपसल हइ बदरा
बरसइ हे मेघ रे
थिरक थिरक बगिया में
नाचइ पुरबइया
भारि गेल नदिया आउ
सूखल तलइया
धरती सोहागिन के
पूर भेलइ नेग रे
साथ बेयाना लेले
बदरा उमतइलइ
सवना भादोइया के
जुआनी गदरलइ
एसों हइ पानी के जोग रे
गरज-गरज बदरा
बरसावइ पानी
परकिरती ठाढ़ा होइ
करबइ किसानी
रोपनी के गूंजतगन
टिस्स-टिस्स रेघ रे।
