बरसै छै चारो उहार / रूप रूप प्रतिरूप / सुमन सूरो

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन सूरो » रूप रूप प्रतिरूप »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बरसै छै चारो उहार मेघा
बरसै छै सूपोॅ के धार!

टिपिर-टिपिर पानी पर बरसै छै पानी,
अपनेती के खौलै आदिम कहानी,
पानी-सें-पानी के प्यार!

माँटी में गजुरै छै अनगिनती बीया,
की बीहो-फतिया छै पिया-पपीहा,
सिरजन के सगरो गुहार!

भीजै छै सुनसान धरती-फुलबारी,
बिसरै छै लोक-लाज सजना के प्यारी,
पशु-पाखीं खोजै ठहार!

उठै छै ऐङना मंे फोंका-पर-फोंका,
झटका सें तीतै छै खिड़की-झड़ोखा,
होतै नै जल्दी निस्तार!
मेघा बरसै छै चारो उहार!