भारत की संस्कृति के लिए... भाषा की उन्नति के लिए... साहित्य के प्रसार के लिए
मंजिल थोड़के दूर / जयराम दरवेशपुरी
Kavita Kosh से
बढ़ऽ किसान मजदूर
कि चलऽ चलऽ
मंजिल थोड़के दूर
मौज में अगला डंग बढ़ावऽ
दुर्बल हा सब जोर लगावऽ
असली हो औजारे हिम्मत
हिम्मत जग मशहूर
तोहीं चक्का
देश के रथ के
रख दा दुश्मन
के तू मथ के
ऊ सब मुट्ठी भर हो भइया
करि दा चकनाचूर
मिठ मोहना के मंतर परखऽ
दुश्मन पर बादर सन बरखऽ
सरसऽ कंठ-कंठ के भइया
योद्धा के दस्तूर अइसन हउ उत्साह
कि दुश्मन दहल गेलउ
धुक-धुक करइ करेजा
बाहर निकल गेलउ
तोरे सउँसे धरती भइया
तोहीं गम से चूर।
