भारत की संस्कृति के लिए... भाषा की उन्नति के लिए... साहित्य के प्रसार के लिए
मन भर न´् रोटी खयलूं / जयराम दरवेशपुरी
Kavita Kosh से
नाच बंदरिया नाच रे
सुलगऽ दे खूब आँच रे
तीत लगउ कि मीठ लगउ
हम कहबउ साँचे साँच रे
कुहकि रहल हे
चुहचुह बगिया
मन में दहकइ आग रे
ढेर दिना मटि अइले रहलूं
समय कहऽ हे जाग रे
कचटि रहल हे दुख से धिरजा
लोकतंत्र में सभे तंत्र में
अप्पन मंतर जोड़ देलें
अप्पन स्वारथ में डूबल हें
हम्मर नस-नस तोड़ देलें
आबइवाला कल्हे पुछतउ
आय भर सगम बाँच रे
हाड़ तोड़ के हमें कमइलूं
मन भर न´ रोटी खयलूं
तोर बखरा में एतबड़ गो सुख
हम जिनगी भर दूखं गमइलूं
कुचकुच गड़तउतोर गोड़ में
तोरे लगवल काँट रे।
