भारत की संस्कृति के लिए... भाषा की उन्नति के लिए... साहित्य के प्रसार के लिए
मिल्दैन विचार आफ्नो त घरमा / / ज्ञानुवाकर पौडेल
Kavita Kosh से
मिल्दैन विचार आफ्नो त घरमा
पुरानै छ संस्कार आफ्नो त घरमा ।
बन्ने हो भने यो मरुभूमिको कवि
पाक्दैन परिकार आफ्नो त घरमा ।
छुटेदेखि भएको त्यो एउटा जागिर
हुँदैन सत्कार आफ्नो त घरमा ।
पछ्याउँछ खाली सपनाहरूले पनि
लिँदैन आकार आफ्नो त घरमा ।
केसित खानु खै मनको लड्डु ?
विपन्न परिवार आफ्नो त घरमा ।
फेरि त्यै पिउने पिलाउने कुरा
चल्दैन यार आफ्नो त घरमा ।
