भारत की संस्कृति के लिए... भाषा की उन्नति के लिए... साहित्य के प्रसार के लिए
मेरी बेट्टी यू के हाल सासरै घाल्ली थी / धनपत सिंह
Kavita Kosh से
मेरी बेट्टी यू के हाल सासरै घाल्ली थी
बनड़ी बणकै मेरे ढूंड तैं जा ली थी
जिसकी बेट्टी इसी दुखी वा क्यूकर जीवै मात
काठ के कोयले होया करैं पेड़ बिना फल पात
बिल्कुल ना रही गात बदन पै लाली थी
तनैं छोड़ कै गई घरां मनैं सब कुछ लाग्या फीक्का
तेरे बिना हे मेरी बेटी घर म्हं कुछ ना दीक्खया
एक बाळक नैं छींक्या था जब तेरी डोळी चाली थी
मां बिन बेट्टी इसी जगत म्हं, जिसा बाग बिना माळी
काठ के कोयले होया करै सै जो बिना पेड़ फल, डाळी
उस खेत म्हं आकै बणी रूखाळी, मनैं बनड़ी भेजी ब्याहली थी
कहै ‘धनपत सिंह’ सुण मेरी बेट्टी किस्मत आग्गै अड़गी
देई, धाम ना पूज्जण पाई पिया तैं बिछड़गी
विपता म्हं विपता पड़गी और भतेरी काल्ली थी
